Më 18.05.2026, rreth orës 21:10 në fshatin Negotinë të Gostivarit, nëpunësit policorë të Njësisë Policore të Gallatës kanë arrestuar personin me iniciale V.A. (52).

Sipas njoftimit, ai kërkohej me urdhër të Gjykatës Themelore të Gostivarit për të vuajtur dënimin me burg prej një vit e gjashtë muajsh. Dënimi ndaj tij ishte shqiptuar për veprën penale “prodhim i paautorizuar dhe lëshim në qarkullim i drogave narkotike, substancave psikotrope dhe prekursorëve”, parashikuar nga neni 215 i Kodit Penal.

Menjëherë pas arrestimit, personi është dërguar në Burgun e Idrizovës për kryerjen e dënimit.