Kreu i komunës Feti Abazi, ka pritur sot në takim ambasadorin e Austrisë në vend, Martin Pammer.

Përpos që është diskutuar në takim, për dy kamionët e dhuruar donacion për Njësitin e Zjarrfikësve, si dhe rinovimin e tualeteve në Novo Sellë, fokusi i takimit ka qenë vazhdimi i bashkëpunimit strategjik me shtetin austriak, për projektet e ardhshme.

Ndër të tjera, kreu i komunës ka shkruar në FB:

“Mirëpritëm në Komunën e Bogovinës Ambasadorin e Austrisë, Sh.T.Z. Martin Pammer.

Sot pata kënaqësinë të mirëpres Ambasadorin e Austrisë, Sh.T.Z. Martin Pammer, me të cilin zhvilluam një takim shumë miqësor dhe konstruktiv.

Biseduam për projektet që po realizohen me mbështetjen e partnerëve tanë austriakë, përfshirë donacionin e dy kamionëve dhe pajisjeve për Njësinë Territoriale të Zjarrfikësve, pajisjet shtesë për shërbimet komunale, si dhe projektin për rikonstruktimin e tualeteve në shkollën fillore në Novo Sellë.

Shpreha mirënjohjen time për mbështetjen e vazhdueshme të Republikës së Austrisë dhe për kontributin e saj të çmuar në zhvillimin e Komunës së Bogovinës. Njëkohësisht, e sigurova ambasadorin se partneriteti dhe miqësia jonë do të vazhdojnë të forcohen edhe në të ardhmen, përmes projekteve konkrete në dobi të qytetarëve tanë.

Komuna e Bogovinës e vlerëson lartë bashkëpunimin me Republikën e Austrisë dhe mbetet e përkushtuar për ta thelluar këtë partneritet strategjik edhe në vitet që vijnë“.