Kreu i komunës së Bogovinës Feti Abazi, ditën e sotme ka inspektuar punimet e projekteve, që janë në ndërtim e sipër, në fshatrat Sellarcë, Pallçisht, Kallnik, Pirok dhe Novosellë.

Postimi i plotë nga Abazi, në FB:

“INVESTIMET DHE PUNIME NË TERREN NË KOMUNËN E BOGOVINËS

Sot zhvilluam një vizitë në terren për të parë nga afër dinamikën dhe progresin e projekteve që po realizohen në disa vendbanime të Komunës së Bogovinës. Punët po vazhdojnë me intensitet dhe me fokus në përmirësimin e kushteve për qytetarët.

Sellarcë – Me mbështetjen e Komunës, banorët kanë vendosur bekaton për zgjerimin e hapësirës së parkingut pranë shkollës.

Pallçisht – Punimet për rregullimin e shtratit të lumit po zhvillohen me intensitet. Nga vizita në terren, punimet po ecin mirë dhe po realizohen në mënyrë cilësore.

Kallnik – Po kryhen ndërhyrjet e nevojshme nëntokësore, përfshirë instalimin e gypit të ri të ujësjellësit dhe gypave për ujërat atmosferike, para fillimit të asfaltimit.

Pirok – rruga e Jurisë – Po bëhen përgatitjet e fundit para asfaltimit, i cili është planifikuar të fillojë nesër.

Novo Sellë– Po largohet betoni i vjetër për të krijuar hapësirë dhe kushte më të mira në oborrin e shkollës, për instalimin e tualeteve të reja dhe krijimin e hapësirave për aktivitetet e nxënësve.

Punë konkrete, në çdo vendbanim“, ka shkruar Abazi.