“Ndërhyrje e shpejtë dhe e suksesshme në fshatin Bogovinë: Zjarri në një shtëpi banimi është lokalizuar dhe shuar plotësisht, pa shkaktuar dëme në objektet përreth”, kanë kumtuar zjarrfikësit “Bogovinë&Vrapçisht”, në Facebook.

Gjithashtu, ata kanë njoftuar në rrjetet sociale, që intervenimi i dytë, poashtu me sukses, ka ndodhur në fshatin Negotinë.


“Intervenim në kohë dhe shuarje e suksesshme e zjarrit në fshatin Negotinë nga ekipi ynë i zjarrfikësve!

Apelojmë tek të gjithë qytetarët: Ju lutemi, mos ndizni zjarre! Çdo pakujdesi mund të ketë pasoja fatale për natyrën dhe jetët tona. Të tregohemi të përgjegjshëm!“, ka nënvizuar, njësiti i Zjarrfikësve.