Mediumi Tv Alfa  publikoi dokumente që  tregojnë detaje të reja për “vizën e artë” të liderit të LSDM-së, Venko Filipçe, në Dubai.

Sipas raportimit, Filipçe e ka marrë vizën në shtator të vitit 2023 dhe ajo është e vlefshme deri në vitin 2033. Në dokumentet e publikuara thuhet se ai është regjistruar si drejtor ekzekutiv në një kompani për investime dhe menaxhim, e vendosur në një zonë ekonomike në Dubai, dhe jo si mjek apo neurokirurg.

Artikulli thekson se kompania përshkruhet si ndërmarrje komerciale për investime dhe menaxhim, ndërsa nuk jepen shumë detaje për aktivitetin konkret të saj.

“Viza e artë” në Emiratet e Bashkuara Arabe zakonisht u jepet investitorëve të huaj që bëjnë investime të mëdha financiare, por edhe profesionistëve të kualifikuar në kushte të veçanta.

Nga ana tjetër, Filipçe disa herë ka reaguar duke i quajtur këto raportime si “lajme të rreme” dhe përpjekje për të devijuar vëmendjen nga çështje të tjera, pa dhënë sqarime të detajuara për përmbajtjen e dokumenteve.

Më herët, ai kishte dhënë deklarata të ndryshme për këtë çështje, fillimisht duke mohuar ekzistencën e vizës, e më pas duke pranuar se e ka, por duke thënë se ajo lidhet me mundësi pune në sektorin shëndetësor në Dubai