Katari ka dënuar ashpër sulmin me raketa të atribuar Iranit ndaj një automjeti civil në zonën Al Bahia në Emiratet e Bashkuara Arabe, ku si pasojë mbeti i vrarë një person.

Në një deklaratë, Ministria e Punëve të Jashtme e Katarit e cilësoi sulmin si “një përshkallëzim serioz dhe një shkelje të hapur të sovranitetit të Emirateve të Bashkuara Arabe”, duke shtuar se ai përbën edhe kërcënim të drejtpërdrejtë për sigurinë dhe stabilitetin e rajonit.

Ministria theksoi se hapja e vazhdueshme e fronteve të reja nga Irani dhe zgjerimi i përshkallëzimit me vendet fqinje është “jashtëzakonisht e rrezikshme”.

Gjithashtu, Katari i bëri thirrje Iranit që të ndalë menjëherë politikat që, sipas tij, dëmtojnë sigurinë dhe stabilitetin rajonal, duke theksuar rëndësinë e respektimit të parimeve të fqinjësisë së mirë dhe të drejtës ndërkombëtare.

Në fund të deklaratës, Katari riafirmoi solidaritetin e tij me Emiratet e Bashkuara Arabe dhe mbështetjen për të gjitha masat e ndërmarra për ruajtjen e sovranitetit, sigurisë dhe integritetit territorial të vendit.