Ka ndërruar jetë nëna e nënkryetarit dhe deputetit të Aleancës për Shqiptarët, Elmi Aziri.

Lajmi e ka bërë të ditur Elmi Aziri në Facebook, ku ka informuar familjarët, miqtë dhe farefisin për humbjen e madhe familjare, për ngjarjen e varrimit.

Sipas tij, falja e xhenazes do të bëhet nesër (02.02.2026), pas namazit të drekës, në Xhaminë e Lagjes së Trimave në Kumanovë, ndërsa varrimi do të kryhet në varrezat e qytetit në Kumanovë.

Në mesazhin e tij, Aziri i është lutur Zotit që shpirti i nënës së tij të pranohet në Xhenet.