Drejtori i Institutit të Mjekësisë së Transfuzionit, Amir Elezi, ka njoftuar se së bashku me mjekë nga ky institucion po marrin pjesë në Kongresin Botëror të Hemostazës dhe Trombozës, i cili po mbahet në Paris.

“Në Paris po mbahet Kongresi Botëror i Hemostazës dhe Trombozës, ku së bashku me mjekë nga Instituti i Mjekësisë së Transfuzionit po marrim pjesë në punimet e tij.

Jemi të përkushtuar që mjekët tanë të jenë në hap me risitë më të fundit në mjekësinë e transfuzionit, të njihen me teknologjitë dhe trajtimet më të reja, me qëllim që këto njohuri t’i vënë në shërbim të pacientëve tanë”, ka shkruar Elezi.