Kryetari i Kuvendit, Afrim Gashi, ka njoftuar se ka marrë pjesë në aksionin e dhurimit të gjakut, e organizuar nga Instituti për Mjekësi të Transfuzionit.

“Me kënaqësi mora pjesë në aksionin e dhurimit të gjakut, një akt fisnik dhe jetik për ata që kanë nevojë.

Si kryetar i Kuvendit, u angazhova për t’i dhënë një kontribut modest në këtë nismë të rëndësishme.

Një falënderim të veçantë për drejtorin e Institutit për Mjekësi Transfuzionit, z. Amir Elezi, për udhëheqjen e shkëlqyer dhe organizimin e kësaj nisme që shpëton jetë. Le të vazhdojmë të mbështesim dhe nxisim solidaritetin mes nesh”, ka shkruar kryeparlamentari Gashi.