Kandidati i Aleancës Kombëtare për Integrim për Komunën e Bërvenicës, Arkin Jahiji, ka shpalosur programin dhe vizionin e tij për mbështetjen e bizneseve private.

Postimi i plotë:

Besoj se zhvillimi ekonomik ndërtohet përmes bashkëpunimit të sinqertë mes komunës dhe sektorit privat. Bizneset nuk janë vetëm burim i investimeve, por edhe krijues të vendeve të punës, mundësive të reja dhe mirëqenies për familjet tona.

Si kryetar i ardhshëm, do të angazhohem për një komunë që dëgjon bizneset, largon pengesat burokratike dhe krijon kushte për investime të reja.

Më shumë bashkëpunim, më shumë investime, më shumë vende pune dhe një të ardhme më të mirë për Bërvenicën!