Vendosja e flamujve me stemën e “Virginës” gjatë festës së 8 Shtatorit në territorin e Komunës së Tetovës, sipas Bilall Kasamit, është çështje e policisë dhe organeve kompetente.

Kasami theksoi se komuna është kompetente për vendosjen e flamurit shtetëror dhe flamujve të tjerë gjatë festave, ndërsa për flamujt që u vendosën më 8 Shtator në rrugët e Tetovës, të cilët, sipas tij, janë në kundërshtim me Marrëveshjen e Prespës, përgjegjësia është e organeve ligjzbatuese dhe jo e Komunës së Tetovës.

Ai tha se komuna nuk e ka paraqitur rastin në Sektorin për Punë të Brendshme në Tetovë.