Qeveria do të mbajë një seancë të jashtëzakonshme sot në orën 11:00 për të diskutuar situatën me çmimet e karburanteve, në pritje të një rritjeje të mundshme të re për shkak të turbulencave në tregjet botërore të naftës.

Më pas, kryeministri Hristijan Mickoski do të mbajë një konferencë për shtyp për të informuar rreth vendimeve të marra.

Më herët, dje, Mickoski njoftoi se qeveria do të marrë një vendim për uljen e akcizave, me qëllim zbutjen e presionit të çmimeve dhe parandalimin e rritjeve të reja të çmimeve.