Presidenti i SHBA-së, Donald Trump dha detaje mbi incidentin me të shtëna në darkën e korrespondentëve, duke zbuluar se një person i armatosur u përpoq të kalonte një pikë kontrolli sigurie, të cilën Shërbimi Sekret e neutralizoi.

Mësohet se një agjent u plagos, por shpëtoi falë jelekut të tij antiplumb. Duke folur nga Shtëpia e Bardhë , i shoqëruar nga Sekretari i Sigurisë Kombëtare dhe Drejtori i FBI-së, Donald Trump e përshkroi incidentin si një sulm ndaj një eventi që i ishte kushtuar lirisë së fjalës.

Trump postoi një foto të të arrestuarit në rrjetet sociale, si dhe pamjet e kamerave të sigurisë që kapën fillimin e incidentit.