Protestat e sotme u hapën me tubimin e deputetëve dhe militantëve të Partisë Demokratike. Fillimisht, ata u grumbulluan para selisë së PD-së dhe më pas marshuan drejt Kryeministrisë.

Me të mbërritur para Kryeministrisë, protestuesit dogjën ulëset e vendosura nga kryeministri Edi Rama si ftesë për dialog, ndërsa pranë zjarrit një i moshuar kërcente.

Ndërkohë, për sot të rinjtë kishin njoftuar organizimin e një proteste tjetër para Ministrisë së Arsimit, në orën 14:00. Pas qëndrimit për afro një orë para Kryeministrisë, protestuesit e PD-së nisën marshimin drejt Ministrisë së Arsimit.