Administrata e Donald Trump i ka bërë një kërkesë të qartë dhe të drejtpërdrejtë Izraelit: “Mos sulmoni objektet energjetike dhe të naftës të Iranit.” Ky veprim vjen si një përpjekje për të parandaluar përshkallëzimin e mëtejshëm që mund ta shtyjë ekonominë globale në një greminë, raportuan mediat botërore.

Edhe pse Trump konsiderohet një aleat i ngushtë i Izraelit, administrata e tij ka frikë se shkatërrimi i infrastrukturës së naftës së Iranit do të shkaktonte një rritje rekord të çmimeve të karburantit, gjë që do të ndikonte drejtpërdrejt te konsumatorët amerikanë dhe te tregu global.

Çfarë thanë zyrtarët? Sipas burimeve në Uashington, mesazhi për qeverinë izraelite është vendimtar – përgjigjja ushtarake ndaj Iranit duhet të jetë “kirurgjikalisht e saktë” dhe e përqendruar ekskluzivisht në objektivat ushtarake.

Ia kemi bërë të qartë Izraelit se sulmet ndaj objekteve energjetike të Iranit janë një vijë e kuqe. Asnjëra palë nuk dëshiron një luftë që do të bllokonte tregtinë globale të naftës”, tha një zyrtar i lartë i administratës amerikane.

Izraeli më parë ka kërcënuar me një përgjigje “të ashpër dhe vdekjeprurëse” ndaj sulmeve raketore iraniane, me objektet energjetike në krye të listës së objektivave të mundshëm.

Megjithatë, presioni nga Trump tregon se interesi ekonomik aktualisht po merr përparësi mbi hakmarrjen ushtarake.