Kryeministri Edi Rama reagoi këtë të premte, 29 maj, ndaj debatit të krijuar në rrjetet sociale për projektin turistik në Zvërnec, ku janë përfshirë investitorë të huaj si Jared Kushner, Ivanka Trump dhe dy biznesmenë nga Katari.

Kreu i qeverisë në një konferencë për mediat, hodhi poshtë pretendimet se shteti shqiptar po “fal” tokë në bregdetin e jugut, duke sqaruar se bëhet fjalë për një pronë private prej rreth 300 hektarësh, e pozicionuar mes lagunës së Nartës dhe plazhit të Zvërnecit.

Sipas Ramës, investitorët kanë siguruar tokën përmes marrëveshjeve me pronarë privatë dhe jo nga shteti shqiptar.