Një incident i rëndë është shënuar sot në orët e pasdites në një shkollë të mesme ekonomike “8 shtatori” në Tetovë, ku ka ndodhur një përleshje fizike mes nxënësve, njofton tetova1. Sipas informacioneve të para, gjatë konfliktit janë përdorur edhe mjete të mprehta (thika), si pasojë e së cilës dy persona kanë pësuar lëndime.

Të lënduarit janë transportuar me urgjencë në Spitali Klinik i Tetovës, ku po marrin trajtimin e nevojshëm mjekësor. Nga SPB Tetovë pritet që gjatë ditës së nesërme të dalin me informacione më të detajuara lidhur me rastin.