Një video e shpërndarë së fundmi nga hoxha i njohur Sadullah Bajrami ka marrë vëmendje të madhe në rrjetet sociale. Në këtë video, shihet një i ri i kombësisë maqedonase i cili ka vendosur të pranojë besimin Islam, duke shqiptuar dëshminë e besimit (Shehadetin) në prani të hoxhës.

Hoxhë Bajrami, duke e mirëpritur atë si “vëlla në besim”, ka theksuar se ky akt është një moment gëzimi, por njëkohësisht ka nxjerrë në pah një realitet të hidhur sa i përket gjendjes sociale të besimtarit më të ri.

Thirrje për solidaritet
Pasi përfunduan procedurën fetare, hoxha u është drejtuar ndjekësve dhe opinionit publik me një thirrje për ndihmë. Sipas Bajramit, i riu jeton në kushte jashtëzakonisht të rënda ekonomike dhe ka nevojë imediate për mbështetje.