Kryeministri Albin Kurti ka thënë se do ta pranonin edhe Vjosa Osmanin si kandidate për presidente, nëse Lidhja Demokratike e Kosovës do t’i sillte ato me datë të sotit, me emër dhe me nënshkrime.

“Do ta pranonim. Vetëm le të na sjellin. Kam përshtypjen që, kur nuk po ju pëlqen përgjigja, po dëshironi ta ndërpreni me një pyetje të re. Dikush që nuk na ka treguar as 15 nënshkrime për kë janë, kërkon garanci për 66 vota, ku janë aq shumë parti dhe aq shumë deputetë, të cilët ju e patë edhe mbrëmë dhe e bënë të pavlefshëm. Ajo që po kërkoni ju është diktaturë”, tha ai.