Kandidati i VLEN-it për kryetar të Komunës së Bërvenicës, Jakup Huseini, ka prezantuar projektet e planifikuara për Gurguricën, me fokus në infrastrukturë, sport dhe ruajtjen e traditës.

Plani parasheh sanimin dhe rehabilitimin e rrugës Stençe–Gurguricë, vazhdimin e projektit që lidh Gurguricën me Liqenin e Treskës, rregullimin e oborrit dhe fushës sportive, si dhe rikthimin e Festivalit të Traditës dhe Folklorit.

Përmes këtyre projekteve, Huseini synon të përfshijë në planin e zhvillimit të komunës edhe përmirësimin e infrastrukturës lokale, krijimin e hapësirave për sport dhe ruajtjen e trashëgimisë kulturore të Gurguricës.