“Sot kujtojmë dhe nderojmë Presidentin Boris Trajkovski dhe anëtarët e kabinetit të tij si dhe ekuipazhin, të cilët para 22 vitesh humbën jetën tragjikisht në një aksident ajror”, ka kujtuar kreu i Lidhjes Socialdemokrate të Maqedonisë, Venko Filipçe.

Trajkovski ishte president proevropian, burrë shteti që punoi me përkushtim për paqen, bashkëjetesën, përparimin dhe perspektivën evropiane të shtetit tonë.

Politika e tij ishte politikë dialogu, afrimi dhe hapjeje të perspektivave brenda dhe jashtë vendit. Ai besonte se Maqedonia mund dhe duhet të jetë pjesë e familjes evropiane, por mbi të gjitha një shtet i qëndrueshëm dhe i bashkuar, ku dallimet janë pasuri dhe jo ndarje. Politikat e Presidentit Boris Trajkovski na kujtojnë se guximi, urtësia dhe përgjegjësia ndaj qytetarëve janë shembull i lidershipit.

I përjetshëm qoftë kujtimi dhe memoria e Presidentit Boris Trajkovski.