Feti Abazi, kryetar i komunës së Bogovinës, po vazhdon me intensitet të shpejtë, realizimin e premtimeve infrastrukturore, të përpiluara gjatë kampanjës zgjedhore. Njëri nga projektet e proklamuara në zgjedhjet lokale, ishte edhe asfaltimin e rrugës lokale të Prekovecit, në fshatin Bogovinë, e cila tanimë ka përfunduar procesin e asfaltimit.

“Asfaltohet rruga e Prekovecit në Bogovinë!

Sot përfunduam asfaltimin e rrugës së Prekovecit në Bogovinë, një investim i rëndësishëm me gjatësi prej afërsisht 1 kilometër dhe gjerësi 5.5 metra.

Kjo rrugë do të përmirësojë ndjeshëm lidhjen mes vendbanimeve, do të lehtësojë qarkullimin e qytetarëve dhe do të krijojë kushte më të mira për zhvillimin e bujqësisë në këtë zonë. Njëkohësisht, ky investim pritet të rrisë vlerën e pronave dhe të nxisë zhvillimin ekonomik të gjithë zonës përreth.

Vazhdojmë të investojmë në infrastrukturë moderne dhe projekte që përmirësojnë cilësinë e jetës së qytetarëve të Komunës së Bogovinës“, ka shkruar Abazi, në Facebook.