“Ju ftojmë të merrni pjesë në Asamblenë Klimatike të Komunës së Bogovinës, e cila do t’i kushtohet temës së menaxhimit të mbeturinave në komunën tonë”, ka njoftuar Feti Abazi, kryetar i komunës së Bogovinës.

Sipas tij, ky debat në këshillin komunal të fshatit Kamjan, do organizohet në bashkëpunim dhe me mbështetje të Bashkimit Europian dhe Zip Institute, në fillim prej 8 deri 10 maj. Ndërsa, prezenca e aplikuesve që do i bashkangjiten këtij diskutimi, do kompensohet financiarisht.

“Asambleja organizohet në kuadër të projektit “Empowering Vulnerable Communities: Catalysing Climate Action Through Climate Assemblies”, me mbështetje nga Bashkimi Evropian dhe në bashkëpunim me ZIP Institute.
Pjesëmarrësit do të kenë mundësinë të diskutojnë, të shkëmbejnë ide dhe të kontribuojnë me rekomandime konkrete për përmirësimin e menaxhimit të mbeturinave në komunën tonë.
Pjesëmarrja do të kompensohet financiarisht”.

Më poshtë, i gjeni detajet e aplikimit:

“Për më shumë informata shtesë dhe për konfirmim të pjesëmarrjes, ju lutemi kontaktoni numrin e telefonit më poshtë ose skenoni këtë QR code të procesoni aplikimin tuaj”.