“Sot kam kënaqësinë të njoftoj se është caktuar ushtruese detyre Drejtore e çerdhes “Jeta” në Kamjan, znj. Nita Ismaili”, ka njoftuar në Facebook, kreu i komunës së Bogovinës, Feti Abazi.

“Me përvojë mbi 5-vjeçare në sektorin bankar dhe atë menaxherial si dhe e diplomuar në Fakultetin Ekonomik, ajo sjell profesionalizëm, përkushtim dhe energji të re në një institucion kaq të rëndësishëm për komunitetin tonë.

I uroj suksese në këtë detyrë me shumë përgjegjësi dhe besoj fuqishëm se puna e saj do të jetë një vlerë e shtuar në ndërtimin e një mjedisi cilësor për edukimin dhe zhvillimin e gjeneratave tona të reja”, ka përfunduar, ai.