“I përkrahim plotësisht kërkesat e studentëve për realizimin e të drejtës së tyre legjitime që provimi i jurisprudencës të jepet edhe në gjuhën shqipe.

Për më shumë se 20 vite, pushteti i kaluar nuk pati vullnet ta zgjidh këtë problematikë, por ne jemi të vendosur që këtë çështje ta mbyllim shumë shpejt.

Ashtu siç kemi zgjidhur çështjen e medresesë, çështjen e kazinove dhe shumë tema tjera të rëndësishme për qytetarët, shumë shpejt do të zgjidhet edhe çështja e kredive të shpejta, por edhe shumë padrejtësi tjera që kanë mbetur peng për vite me radhë.

Të gjitha provimet profesionale do të jepen në gjuhën shqipe!

Ne nuk manipulojmë me çështjet e qytetarëve, ne i zgjidhim ato.

VLEN nuk ndalet. BARAZI, DINJITET, PËRFAQËSIM!”, ka shkruar kreu i komunës së Haraçinës Daut Beqiri, në Facebook.