“Me angazhimin maksimal të institucioneve komunale dhe në bashkëpunim me Ndermarrjen tonë Komunale, kemi realizuar intervenim urgjent në vendbanimin Siniçan për pastrimin e kanalit rreth murit rrethor të shkollës fillore, ku ujërat depërtonin në oborrin e saj”, ka njoftuar kreu i komunës së Bogovinës, Feti Abazi, në Facebook.

Tutje, ai ka potencuar se intervenimet në zonat me problematika të kësijëlloji, do vazhdojnë edhe në të ardhmen, përcjellë Pollogu.news.

“Ekipet tona janë në terren dhe puna po vazhdon intensivisht për sanimin e dëmeve të shkaktuara nga reshjet e mëdha të shiut. Prioritet i yni mbetet siguria e qytetarëve dhe mbrojtja e infrastrukturës publike.

Komuna do të vazhdojë me masa konkrete dhe reagim të shpejtë në çdo zonë ku paraqitet nevoja për intervenim”, ka përfunduar, Feti Abazi.