“Të nderuar miq,
me pikëllim të thellë e morëm lajmin për ndarjen nga jeta të historianit dhe studiuesit të shquar, pedagogut tonë, Prof. Dr. Halim Purrellkut.
Kontributi i tij i vyer në studimin dhe ndriçimin e historisë sonë, përkushtimi dhe angazhimi i palodhur në mbrojtje të vlerave identitare, përbëjnë një trashëgimi të çmuar për shkencën dhe kulturën tonë”, ka njoftuar faqja zyrtare në Facebook, e Universitetit të Tetovës.

“Me punën ndër vite në Universitetin e Tetovës dhe me studimet e tij serioze, ai la gjurmë të thella në historiografinë shqiptare.
Në këto çaste të rënda, Universiteti i Tetovës i shpreh ngushëllimet më të sinqerta familjes Purrellku, kolegëve, bashkëpunëtorëve dhe gjithë komunitetit akademik.

I përjetshëm qoftë kujtimi për veprën dhe kontributin e tij!
Rektori
Prof. Dr. Jusuf Zejneli”, mbaron ngushëllimi i Rektorit.