Bedri Hamza ka dhënë dorëheqje nga pozita e Kryetarit të Partisë Demokratike të Kosovës, ka kuptuar VOX Kosova përmes burimeve brenda PDK-së.

Siç merr vesh VOX-i, Hamza do të vazhdojë ta mbajë pozitën e Kryetarit deri në zgjedhje të rregullta të brendshme të PDK-së, por nuk do të jetë vetë kandidat për Kryetar.

Gjate kësaj faze, Hamza do të ketë rol simbolik vetëm sa për t’u kryer tranzicioni e të mos cenohet procesi i zgjedhjes së Kryetarit të ri.

Hamza ishte zgjedhur Kryetar i PDK-së më 17 nëntor 2025.

Në këtë pozitë, ai kishte pasuar Memli Krasniqin.