Irani ka sulmuar gjatë natës Arabinë Saudite për herë të parë në gati tre muaj, kanë bërë të ditur dy burime për agjencinë Reuters.

Sulmet kanë aktivizuar sistemet e paralajmërimit të hershëm në al Kharj, në lindje të kryeqytetit Riad, si dhe në Yanbu, përgjatë bregdetit të Detit të Kuq.

Sipas burimeve, një prej sulmeve kishte në shënjestër Bazën Ajrore të Princit Sultan në al Kharj, ku janë të vendosura edhe forca amerikane.

Mediat shtetërore saudite raportuan se alarmet e paralajmërimit të hershëm ishin aktivizuar, por nuk dhanë hollësi për shkakun apo pasojat e mundshme të sulmeve.

Ndërkohë, Garda Revolucionare Islamike e Iranit nuk ka konfirmuar dhe as përmendur ndonjë sulm ndaj Arabisë Saudite.