Ndërhyrje e shpejtë dhe profesionale në fshatin Negotinë – Parandalohet dëmi më i madh

Sot, pas marrjes së njoftimit për shpërthimin e një zjarri në fshatin Negotinë, ekipi ynë i zjarrfikësve u nis menjëherë drejt vendngjarjes.

Falë reagimit të shpejtë në kohë rekord dhe profesionalizmit të zjarrfikësve tanë, zjarri u lokalizua me sukses dhe u shua plotësisht. Arritja në momentet kritike bëri të mundur që flakët të mos përhapeshin më tej, duke parandaluar kështu dëme të mëdha materiale dhe duke garantuar sigurinë e banorëve të zonës.

Një falënderim i madh për ekipin në terren për gatishmërinë dhe përkushtimin e treguar në çdo thirrje!

Apel: në këto ditë me temperatura të larta, kujdesi duhet të jetë maksimal. Për çdo rrezik, na njoftoni menjëherë“, ka kumtuar në Facebook, faqja e zjarrfikësve “Bogovinë&Vrapçisht”.